Clean Desk / Clear Screen

Kiko clean desk ta enserá?

Clean desk ta enserá ku nunka mester bai laga dokumento òf otro tipo di dato atras na bo área di trabou na fin di dia (òf ora bo no ta bai ta trahando einan mas).No mester laga dato personal atras pa nan kuenta. Asta ora bo área di trabou ta den uso, ta sabí pa bo tin ménos kos posibel riba bo lèsenar.

Dikon ta importante pa implementá un maneho di clean desk/screen?

Un maneho di clean desk i clear screen ta hisa e nivel di protekshon di dato den bo organisashon.

Un maneho di clean desk ta:

  • Duna un imágen mas profeshonal
  • Fomentá efisiensia den boso étika di trabou
  • Redusí e chèns di un fuga di dato
  • Redusí e chèns di froude
  • Evitá ku dato personal ta kaiden man di persona no outorisá

Pa por implementá un maneho di clean desk eksitosamente, ta importante pa por tin un sistema di almasenamentu adekuá (di dokumento).

 

Kiko clear screen ta enserá?

Clear screen ta nifiká ku tur pantaya di kòmpiuter mester lòk asina ku e usuario lanta for di su lugá i ku no por kita e lòk sin hinka un password.

Dikon ta importante pa implementá un maneho di clear screen?

Un maneho di clear screen ta sirbi pa protegé dato personal digital kontra akseso no outorisá.

Koutela ku dato personal digital ta yuda prevení:

  • Fuga di dato
  • Froude
  • Akseso no outorisá na dato personal