Deklarashon di Privasidat Simposio / tayer(nan) Komishon di Supervishon di Protekshon di datonan Personal Boneiru, Sint Eustatius i Saba (CBP BES)
Nos ta duna hopi balor na e protekshon di bo datonan personal. Den e deklarashon di privasidat aki, nos ta splika ki datonan nos ta kolektá, dikon nos ta prosesá esakinan i ki derechonan bo tin.
1. Responsabilidat pa prosesamentu
CBP BES ta responsabel pa e prosesamentu di datonan personal (Kaya Industria 15E)
2. Meta di e Prosesamentu. Kua datonan nos ta kolektá?
Ta prosesá bo datonan personal eksklusivamente pa e siguiente metanan:
- Registrashon i partisipashon na e simposio/e tayer(nan);
- Komunikashon ku partisipantenan promé, durante i despues di e simposio i e tayer(nan);
- Atministrashon organisatorio (manera kontròl di akseso, listanan di presensia);
- Dokumentashon i rapòrt (lista di partisipantenan òf un rapòrt di portrèt sin por identifiká e personanan, solamente si ta relevante i apropiá).
3. Fundamentu hurídiko pa prosesamentu
E prosesamentu di datonan personal ta tuma lugá a base di:
- Ehekushon di un akuerdo (art. 8, bou di b, Lei di protekshon di datonan personal BES): hasi posibel bo partisipashon na e simposio i e tayer(nan);
- Interes hustifiká (art. 8, bou di f, Lei di protekshon di datonan personal BES): ehekutá e organisashon di e simposio/e tayer(nan) i informá partisipantenan, ku e kondishon ku e interes aki ta pisa mas ku bo interesnan di privasidat.
4. Tipo di datonan personal
Nos ta prosesá eksklusivamente e datonan personal ku ta nesesario pa partisipashon:
- Nòmber, fam, funshon i organisashon;
- Datonan di kontakto (e-mail);
- Adrès di IP (relashoná ku registrashon digital).
5. Término pa warda data
No ta warda bo datonan personal mas largu ku ta nesesario:
- Datonan di kontakto: máksimo 2 luna despues ku e simposio kaba pa poskuido i evaluashon.
6. Kompartí datonan personal
No ta kompartí bo datonan personal ku otro hende, a ménos ku esaki ta estriktamente nesesario pa e organisashon di e simposio/e tayernan(nan), manera:
- Provedornan ku ta pèrkurá pa registrashon i karchi di partisipante (badge);
- Provedornan di servisio di ICT ku ta manehá e sistema di registrashon òf e área di Webinar.
Ku e partidonan aki a será kontratonan di prosesamentu ku ta kumpli ku e Lei di protekshon di datonan personal BES.
7. Seguridat
CBP BES ta tuma medidanan tékniko i organisatorio apropiá pa protegé bo datonan kontra pèrdida, akseso no-outorisá òf prosesamentu ilegal. Ehèmpelnan ta: limitashon di akseso, warda data di forma enkriptá i kanalnan di komunikashon sigur.
8. Derechonan di persona involukrá
Bo tin e siguiente derechonan bou di e Lei di protekshon di datonan personal BES (Wbp BES):
- Derecho di konsulta den bo datonan;
- Derecho di rektifikashon òf eliminashon;
- Derecho di limitashon di e prosesamentu;
- Derecho di hasi opheshon kontra e prosesamentu basá riba interes hustifiká;
- Derecho di entregá un keho na CBP BES mes.
Bo por ehersé bo derechonan dor di tuma kontakto via:
info@cbpbes.com òf +599-715-9114.
9. Kambio
Por adaptá e deklarashon di privasidat aki si ideanan nobo òf sirkunstansianan duna motibu pa esaki. Ta publiká e vershon mas aktual semper riba e wèpsait di CBP BES i ta poné disponibel na momento di registrashon.