Dunadó di trabou i Empleado

Dunadó di trabou

Kon mester atendé ku dato personal

Kiko abo komo dunadó di trabou tin mag di hasi ku dato personal di bo empleadonan?

Do’s

1. Asina bo empleado drenta den servisio, pidié outorisashon pa bo skèn òf saka kopia di su dokumento di identidat.
2. Pa lei, (den sierto kaso) bo tin deber di kompartí dato personal di bo empleadonan ku otro organisashon ora ta nesesario, por ehèmpel Servisio di Impuesto, òf instansia ku ta paga benefisio sosial den kaso ku bo empleado ta malu pa tempu largu.
3. Si bo empleado ta enbolbí den un kaso penal, pa lei bo tin ku duna e instansianan enbolbí su datonan personal.
4. Si bo a saka kopia òf hasi skèn ku ta kontené dato personal, tin ku warda esakinan den un área sigur.

Don’ts

1. Bo no tin mag di warda e datonan personal di bo empleadonan pa tempu indefiní. Bo tin ku tuma na kuenta ku ki meta ta prosesá e datonan i pakiko ta nesesario prosesá nan.
2. Informá bo empleadonan na tempu i na un manera kla tokante uso di nan datonan personal.
3. Si e datonan personal di bo empleadonan no ta kuadra mas, bo tin ku sea koregí òf kita nan.
4. Bo no tin mag di rekolektá dato personal sin ku bo tin un interes hustifiká pa hasi esei.

Empleado

Kon mester atendé ku dato personal

Kiko bo dunadó di trabou tin mag di hasi ku bo datonan personal i kiko nò?

Do’s

1. Bo dunadó di trabou por pidi bo lag’é kopia òf skèn bo dokumento di identidat pa atministrashon di salario. Bo tin ku dun’é outorisashon pa e por hasi esei.
2. Wak pa semper bo tin un dokumento di identidat bálido huntu ku bo, na trabou tambe.
3. Bo dunadó di trabou tin ku warda bo loonbelastingverklaring (deklarashon di impuesto riba salario) mínimo 10 aña despues ku bo sali for di servisio.
4. Si bo datonan no ta kuadra mas, bo por pidi bo dunadó d trabou pa sea koregí nan òf kita nan.

Don’ts

1. Bo dunadó di trabou no tin mag di duna otro organisashon bo datonan personal a ménos ku esei ta nesesario, por ehèmpel na Servisio di Impuesto pa determinashon di impuesto òf na instansia ku ta paga benefisio sosial den kaso ku bo ta malu pa tempu largu.
2. Semper bo mester ta krítiko tokante uso di bo datonan personal, inkluso e manera ku bo dunadó di trabou ta usa nan.
3. Bo dunadó di trabou no tin mag di warda bo datonan personal pa tempu indefiní.
4. Bo dunadó di trabou no tin mag di prosesá tur bo datonan personal sin mas. Mester tin un interes hustifiká.