Kuido i Siudadano

Kuido

Kon mester atendé ku dato personal di salú

Kiko un dunadó di kuido òf dunadó di trabou tin mag di hasi ku dato di salú i kiko nò?

Do’s

1. Un pashènt tin ku identifiká su mes na e dunadó di kuido pa por risibí kuido médiko. E dunadó di kuido lo registrá e datonan personal nesesario, pero e no tin mag di skèn ni saka kopia di e dokumento di identidat.
2. Tur dunadó di kuido tin un deber di sekresia òf deber di sekresia médiko. Un dunadó di kuido no tin mag di duna otro hende dato di salú, ku eksepshon di den sierto kaso eksepshonal.
3. Un dunadó di kuido tin mag di duna e asegurador di kuido di su pashènt sierto dato di salú pa esaki por atendé fakturashon di e tratamentunan.
4. Ora un empleado mèldu malu, e dunadó di trabou tin mag di pidi solamente e informashon ku ta nesesario pa e trabounan di su trahadó ku ta malu por sigui kana.

Don’ts

1. En prinsipio, un dunadó di kuido no tin mag di duna un doño di trabou dato di salú di pashènt, a ménos ku e pashènt a outorisá esei òf ku lei oblig’é di hasié.
2. Ora un persona solisitá, e dunadó di trabou no tin mag di hasi pregunta tokante su salú ni su historial médiko, ni si e ta na estado òf nò.
3. Un dunadó di trabou tin mag di pidi un solisitante hasi un saminashon médiko solamente si esei ta nesesario en bista di e funshon ku e ta solisitá p’e. E dòkter ku samin’é lo laga sa si e solisitante ta médikamente adekuá pa e funshon, pero sin duna mas detaye.
4. Ora un empleado mèldu malu, e dunadó di trabou no tin mag di puntra ta kiko presis e empleado ta sinti ni kiko ta e kousa di su malesa.

Siudadano

Kon mester atendé ku dato personal di salú

Kiko un dunadó di kuido òf dunadó di trabou tin mag di hasi ku dato di salú i kiko nò?

Do’s

1. Bo tin ku identifiká bo mes na bo dunadó di kuido pa por risibí kuido médiko. Bo dòkter di kas, dentista, spesialista den hospital òf e empleado di botika lo registrá e datonan personal nesesario, pero e no tin mag di skèn ni saka kopia di bo dokumento di identidat.
2. Tur dunadó di kuido tin un deber di sekresia òf deber di sekresia médiko. Nan no tin mag di duna otro hende dato di salú, ku eksepshon di den sierto kaso eksepshonal.
3. Bo dunadó di kuido tin mag di duna e asegurador di kuido sierto dato di salú pa esaki por atendé fakturashon di bo tratamentunan.
4. Ora bo mèldu malu, bo dunadó di trabou tin mag di pidi solamente e informashon ku ta nesesario pa bo trabounan por sigui kana durante bo ousensia.

Don’ts

1. En prinsipio, bo dunadó di kuido no tin mag di duna bo dunadó di trabou bo datonan di salú, a ménos ku bo a outorisá esei òf ku lei oblig’é di hasié.
2. Ora bo solisitá, e dunadó di trabou no tin mag di hasi pregunta tokante bo salú ni bo historial médiko, ni si bo ta na estado òf nò.
3. Un dunadó di trabou tin mag di pidi bo hasi un saminashon médiko solamente si esei ta nesesario en bista di e funshon ku bo ta solisitá p’e. E dòkter ku saminá bo lo laga sa si bo ta médikamente adekuá pa e funshon, pero sin duna mas detaye.
4. Ora bo mèldu malu, bo dunadó di trabou no tin mag di puntra ta kiko presis bo ta sinti ni kiko ta e kousa di bo malesa.