Organisashon i Siudadano

Organisashon

Kon mester atendé ku dato personal

Komo organisashon, kiko bo tin mag di hasi i kiko nò ku dato personal riba dokumento di identidat?

Do’s

1. Si bo tin un bon motibu pa pidi un hende su dokumento di identidat òf pa lei bo tin deber di hasié, splika doño di e dokumento di identidat esei bon kla.
2. Si pa lei bo tin deber di kopia/skèn dokumento di identidat i warda nan, pèrkurá pa e informashon ta wardá na un lugá sigur.
3. Ta berdaderamente nesesario pa e persona legitimá su mes? No pidi identifikashon djis komo un kustumber. Pensa bon si ta nesesario i dikon.
4. Bo tin mag di prosesá dato personal bou di sierto kondishon:
   • Ku outorisashon di e doño.
   • Pa ehekutá un kontrato ku boso a sera.
   • Si lei ta eksigí esei.
   • Si tin un ‘interes vital’ (por ehèmpel un urgensia médiko)
   • Pa kumpli ku un tarea di atministrashon públiko.
   • Pa un interes hustifiká di e organisashon, a ménos ku e derechonan fundamental di e siudadano pisa mas.

Don’ts

1. No rekolektá mas dato personal ku ta nesesario.
2. No registrá ni prosesá niun dato personal spesial, manera e persona su religion òf filosofia di bida, rasa, salú òf preferensia polítiko, a ménos ku lei bisa ku mester hasié.
3. No warda dato personal mas largu ku ta nesesario, i eliminá nan asina ku e informashon no ta nesesario mas.
4. Pa lei, algun organisashon tin deber di skèn òf saka kopia di dokumento di identidat, pero nan no tin mag di rekolektá dato personal di mas.

Siudadano

Kon mester atendé ku dato personal

Komo organisashon, kiko bo tin mag di hasi i kiko nò ku e datonan personal riba bo dokumento di identidat?

Do’s

1. Un organisashon tin mag di pidi bo dokumento di identidat si tin un bon motibu pa esei, por ehèmpel pa prevení froude di identidat òf pasobra, pa lei, e organisashon tin deber di hasié.
2. Lei ta obligá banko, kompania di tarheta di krédito, kompania di seguro, notario i kasino pa identifiká bo. Nan tin mag di kopia òf skèn bo dokumento di identidat òf tuma bo datonan personal.
3. Un organisashon tin deber di bisa bo kiko e ta hasi ku bo datonan personal. Pues, puntra libremente.
4. Bo por pidi un organisashon kita sierto di bo datonan personal si nan no ta nesesario mas pa e meta pa kua a pidi nan.
5. Puntra semper pakiko un organisashon ke kontrolá bo dokumento di identidat òf pakiko bo tin ku legitimá bo mes.
6. Trata bo datonan personal ku koutela. Ora ta bai skèn òf saka kopia di bo dokumento di identidat, tapa si ta posibel bo potrèt i bo number di sédula, reibeweis òf pasport, pa bo redusí e riesgo di froude di identidat.

Don’ts

1. Un organisashon no tin mag di tuma bo datonan personal ni skèn òf saka kopia di bo dokumento di identidat sin mas.
2. Pa lei, algun organisashon tin deber di pidi bo dokumento di identidat. Den un kaso asina, bo no tin mag di nenga.
3. Un organisashon no tin mag di registrá bo datonan personal sin ku bo ta na altura. Nan tin deber di bisa bo kiko nan ta hasi ku bo datonan personal. Puntra libremente.
4. Un organisashon no tin mag di warda bo datonan personal indefinidamente.