Kiko ta dato personal?

Lei di protekshon di dato personal BES (Wbp BES) ta bisa ku tur dato tokante un persona natural identifiká òf identifikabel ta dato personal, ke men, sea un informashon ku ta direktamente tokante un hende òf unu ku bo por konektá ku un hende. Ya ku e lei ta papia di persona natural, dato di hende ku a fayesé i dato di organisashon no ta dato personal.

Ki ora un organisashon tin mag di skirbi dato personal ku ta aparesé riba un dokumento di identidat òf saka kopia di e dokumento?

Skirbimentu di dato
Despues ku e persona mustra su dokumento di identidat, e organisashon lo por skirbi e tipo di dokumento di identidat i su number. Lei ta eksigí pa sierto organisashon skirbi otro dato personal ku ta aparesé riba un persona su dokumento di identidat.

Kopia di dokumento di identidat
Ta komo eksepshon so un organisashon tin mag di saka kopia òf skèn un hende su dokumento di identidat.