Legislashon

Komishon su tarea ta di vigilá ku e organisashonnan ta kumpli ku legislashon tokante uso di dato personal. Tin hopi lei, dekreto i areglo ku ta regla prosesamentu di dato personal. E tres leinan ku Komishon ta supervisá ta:
• Lei di protekshon di dato personal BES (Wbp BES);
• Lei di dato polisial (wet politiegegevens);
• Lei di atministrashon básiko di dato personal BES na Hulanda Karibense.

Lei di protekshon di dato personal BES (Wbp BES)
Lei di protekshon di dato personal BES (Wbp BES) ta kontené e reglanan di mas importante tokante kon mester atendé ku dato personal na Hulanda Karibense.

Lei di dato polisial (Wet politiegegevens)
Polis ta usa tur tipo di dato personal pa por kumpli debidamente ku e tareanan polisial, por ehèmpel pa investigá e outornan di echo kastigabel. Protekshon di dato personal serka polis ta reglá den Lei di dato polisial (Wet politiegegevens, òf Wpg).

Lei di atministrashon básiko di dato personal BES na Hulanda Karibense
Lei di atministrashon básiko di dato personal BES ta regla kon atministrashon di poblashon tin ku tuma lugá debidamente na Hulanda Karibense. E atministrashon di poblashon ta kontené dato personal di e habitantenan di Hulanda Karibense. Lei di Registrashon Básiko di dato personal BES ta regla kon mester usa e datonan akí debidamente, entre otro, kon mester tuma, modifiká i divulgá dato personal korektamente.