Lei di protekshon di dato personal BES (Wbp BES)
Masha tantu organisashon ta usa i interkambiá dato personal. E reglanan di mas importante tokante kon mester atendé ku dato personal na Hulanda Karibense ta fihá den Lei di protekshon di dato personal BES.
Lei di protekshon di dato personal BES (Wbp BES) ta basá riba e lei di protekshon di dato personal hulandes (Wet bescherming persoonsgegevens, òf Wpb) i ta na vigor for di 10 di òktober 2010. Lesa mas tokante konWbp BES a bin na vigor.
Tambe Wbp BES ta regla e tareanan i outoridat di Komishon Supervisor di Protekshon di Dato Personal BES. A instalá e Komishon akí konforme Wbp BES komo instansia di supervishon independiente.
E disposishonnan prinsipal di Wbp BES
Por resumí e disposishonnan prinsipal di Wbp BES tokante kon mester atendé ku dato personal di akuerdo ku lei di e siguiente manera:
- Tin mag di prosesá dato personal solamente di akuerdo ku lei i na un manera korekto i kuidadoso.
- Tin mag di rekolektá dato personal solamente ku meta bon definí, eksplísitamente deskribí i hustifiká. Ademas, despues, si ke sigui prosesá e datonan, tin mag di hasi esei solamente pa meta ku ta kuadra ku e meta original.
- E persona kende su dato personal ta ser prosesá (e asina yamá ‘persona konserní’), mester ta a lo ménos na altura di identidat di e organisashon òf persona ku ta prosesá su datonan personal (e asina yamá ‘responsabel’) i di e meta pa kua ta prosesá nan.
- Mester protegé e prosesamentu di dato na un manera adekuá. Pa dato spesial, por ehèmpel tokante rasa, salú i kreensia, e reglanan ta èkstra estrikto.
Splikashon
Den e memoria splikativo di Wbp (aplikabel tambe na Wbp BES) por haña un splikashon di Wbp BES).