Registrashon di kontakto i chekeo di salú

Un medida ku tin un impakto grandi riba privasidat ta esun tokante registrashon di kontakto i chekeo di salú. Ta eksigí esakinan den kuadro di e investigashonnan di orígen i di kontakto ku GGD lokal ta realisá. Komishon Supervisor di Protekshon di Dato Personal BES ta dunando públiko informashon tokante protekshon di privasidat relashoná ku e medidanan nobo.

Investigashon di orígen i kontakto

Investigashon di orígen i kontakto ta importante pa prevení un posibel plamamentu di coronavirus. Kiko ta investigashon di orígen i kontakto i kiko e ta enserá den práktika?
Investigashon di orígen i kontakto ta un investigashon ku GGD lokal ta hasi kada bes ku un hende tèst positivo pa coronavirus. Den kaso asina, GGD lokal ta kontaktá tur otro persona ku tabata presente na e lugá públiko riba e mesun dia ku e persona kontagiá. Di e manera ei, GGD lokal ta purba di minimisá plamamentu lokal di e vírùs.

Lei ta stipulá kua ta e instansianan ku tin obligashon di hasi registrashon di kontakto i chekeo di salú. Ta trata aki di lugá públiko manera: restorant i teras di restorant, tur otro establesimentu kaminda por kumpra kuminda òf bibida i konsumí esakinan na e sitio mes (manera teras kantu di playa), i otro edifisio habrí pa públiko, manera misa, gym, sentro di spa i ‘wellness’ i casino. Supermerkado i toko no tin obligashon di hasi registrashon di kontakto.

Registrashon di kontakto ta enserá ku ta registrá e datonan personal di e bishitante- òf klientenan. Ta trata aki di dato ku GGD lokal por tin mester pa por kontaktá e personanan akí si ta nesesario. Pa e meta ei, e fecha i e persona su nòmber i number di telefòn i/òf adrès di e-mail mes ta sufisiente. No ta nesesario registrá e persona su adrès di kas, number di sédula ni fecha di nasementu. Mester risibí un bishitante òf kliente su outorisashonOutorisashon di e persona konserní
kualke indikashon spesífiko di e persona konserní su deseo, duná na un manera boluntario i bon informá, mediante kua e ta duna di komprondé ku e ta di akuerdo pa dato personal tokante su persona ser prosesá. promé ku registrá su datonan personal.

Siguridat i periodo pa warda e datonan

Doño di restorant, teras (kantu di playa) i demas edifisio habrí pa públiko mester sòru pa e datonan personal di nan bishitante- òf klientenan no ta aksesibel pa niun persona ku no ta outorisá, inkluso empleado i otro bishitante- òf klientenan. Ademas, doño di e establesimentunan ei mester sòru pa e datonan di kontakto ta wardá na un manera sigur, pa nan no pèrdè ni ser usá sin outorisashon. Mester keda warda e datonan di kontakto 14 dia na tur i destruí nan kuidadosamente ora e periodo di 14 dia ei pasa.

Chekeo di salú

Ta prohibí pa prosesá dato personalProsesamentu di dato personal
tur akshon òf konhunto di akshon relashoná ku dato personal, inkluso, en todo kaso, rekolektá, registrá, ordená, warda, aktualisá, modifiká, aksesá, konsultá, usa, suministrá via transmishon, distribushon òf kualke otro forma di suministro, ademas di kompilá, konektá i tambe kita, destruí òf blòkia akseso na dato. tokante un persona su salú sin un base legal, a ménos ku esei ta nesesario pa e instituto òf práktika profeshonal en kuestion hasi e prosesamentu. E nesesidat ei semper mester ser probá.

Tuma temperatura di bishitante òf kliente ta un tipo di prosesamentu di dato personal di salú. Si ta trata solamente di lesa ki temperatura e persona tin, esei no ta kai bou di prosesamentu i p’esei no ta un violashon di Wbp BES. Prosesamentu ta inkluí tur akshon òf konhunto di akshon relashoná ku dato personal, inkluso, en todo kaso, registrá i warda dato.

Privasidat di e bishitante- òf klientenan mester ta garantisá na tur momento. Ta dato personal nesesario so mester ser registrá/prosesá. Nunka no mester infringí un bishitante òf kliente su privasidat mas ku loke ta nesesarioNesesidat
e dato personal mester ta nesesario pa por kumpli ku e meta en kuestion, pero sin infringí privasidat di e bishitante òf kliente desproporshonalmente. pa e meta en kuestion.