Simposio yanüari 2026
Dia 28 di yanüari 2026, a habri na Boneiru e simposio: “Data digital sin Límite i Privasidat: Perspektivanan di Reino riba Seguridat, Derechonan Básiko i Oportunidatnan”.
A deskubrí kon gobièrnu-, organisashon- sosial i instansianan finansiero ta duna forma na un sosiedat digital sigur, transparente i ku oportunidatnan den Reino, inspirá pa historia di práktika i solushonnan konkreto.
Tayernan yanüari 2026
Dia 29 di yanüari, tabata tin kuater (4) tayer interaktivo: Maneho di krísis na momento ku tin pèrdida di data, Diseño pa Privasidat, Resiliensia Digital i Liderazgo, i komuniká di forma kla tokante privasidat.
Ku ehersisio-, kaso- i hèrmèntnan práktiko, a siña pa fortifiká konfiansa, seguridat i privasidat den bo organisashon.
“Kuater (4) tayer, un (1) mishon: Mas kontròl riba data, konfiansa i seguridat.”
Tayer 1: “Pèrdida di data! Kiko awor?”
“Pèrdida di data por pasa ku tur hende, siña kon bo por hasi di un krísis un oportunidat pa fortifiká konfiansa.”
Pèrdida di data por sorprendé bo, pero e manera ku bo ta reakshoná ta determiná e diferensia entre káos i kontròl. Den e tayer aki, a siña di forma detayá kon pa bo aktua lihé, ku kuidou i transparente ora kos bai robes.
Tayer 2: “Diseño pa Privasidat den organisashon chikí”
“Privasidat no ta kuminsá ku kontròl, sino ku diseño. Konstruí konfiansa den kada paso di bo proseso.”
Un bon privasidat ta kuminsá ku un diseño skèrpi. E tayer aki ta mustra kon pa bo inkorporá privasidat den proseso- i sistemanan for di komienso ku eskohonan simpel i alkansabel. A traha riba kasonan di práktika real i a diseñá prosesonan ku ta aprobá pa privasidat.
Tayer 3: “Resiliensia digital den práktika: Hende, Téknika i Komportashon”
“Firewalls ta protegé sistemanan. Kultura ta protegé hende.”
Seguridat digital ta mas ku teknologia. A deskubrí kon komportashon humano, liderazgo i kultura ta determiná e resiliensia digital di diferente organisashon. Kada partisipante a desaroyá nan mes karchi di riesgo i un plan di mehorashon konkreto ku nan por apliká mesora.
Tayer 4: “E deklarashon di privasidat komo karchi di bishita”
“Un deklarashon di privasidat no ta un anekso hurídiko, e ta bo promesa na e siudadano.”
Un deklarashon di privasidat fuerte ta evidente, honesto i komprendibel. Den e tayer aki, a siña kon pa usa transparensia pa konstruí konfiansa. Kada partisipante a bolbe skirbi nan mes òf un deklarashon komo ehèmpel i a risibí feedback práktiko pa hasi esaki realmente usabel.
Informashon pa partisipante
E tayernan tabata na Boneiru i tabata destiná pa empleado- di privasidat, empleado- di IT, direktor-, empleado- di komunikashon i personanan ku ta enkargá ku maneho.
No tin mas lugá
Registrashon pa e Simposio i e Tayer(nan) 2026 di e Komishon Supervisor di Protekshon di Dato Personal BES ta será aworaki.